Детская подготовительная студия при народном фольклорном театре танца «КАРАГОД» и детском ансамбле танца «КАРАГОДЗІНКІ»

Ансамбль «Карагодзінкі» быў створаны як ансамбль-спадарожнік народнага фальклорнага тэатра танца «Карагод» «ДУ МРЦК». 20 студзеня 2012 года дзіцячы калектыў прыняў удзел у вялікім калядным канцэрце, які традыцыйна штогод праводзіць НФТТ «Карагод». Гэту дату было вырашана лічыць днём і годам заснавання дзіцячага ансамбля танца «Карагодзінкі».

Нашы кіраўнікi:

Стваральнік і кіраўнік ансамбля – Кузняцова Стэла Мікалаеўна. Таксама з ансамблем працуе выдатны прафесіянал, балетмайстар Пруднікава Ала Віктараўна.

Заняткi:

На занятках у групах не больш за 16 чалавек гучыць жывая музыка, а таксама фанаграмы з дзіцячай танцавальнай музыкай. Выхаванцы студыі вывучаюць элементы класічнага танца, народнага танца, урокі акцёрскага майстэрства, а таксама асновы дзіцячай сучаснай харэаграфіі. У праграме прадугледжана партнэрная гімнастыка.

Рэпертуар:

Аснову рэпертуару ансамбля складаюць сцэнічныя апрацоўкі беларускай народнай харэаграфіі, беларускія традыцыйныя танцы, стылізаваныя кампазіцыі, танцы іншых жанраў і накірункаў.

У агульнай складанасці дзіцячы ансамбль танца «Карагодзінкі» з моманту свайго стварэння даў каля пяцідзесяці канцэртаў разам з «Карагодам» і самастойна. Кожнае выступленне – гэта радасная падзея для гледача. Пабываўшы на канцэрце, вы адчуеце атмасферу народнага свята беларусаў. Дэвіз нашага ансамбля заўсёды гучыць у канцы нашых канцэртных выступленняў: «Дзякуй за ўсё»! І калі хоць што-небудзь засталося ў вашых сэрцах, то большай ўзнагароды нам і не трэба!

Удзел у фестывалях:

Нягледзячы на юны ўзрост, танцоры калектыву адзначаны высокім выканальніцкім узроўнем, таму ансамбль прымае актыўны ўдзел у культурным жыцці горада Мінска, Мінскай вобласці і раёна, а таксама за межамі нашай краіны.

«Карагодзінкі» ўдзельнічаюць у фестывалях і конкурсах, атрымліваюць дыпламантскія ўзнагароды. Вось найбольш значныя з іх:

• 7-ы Абласны фестываль харэаграфічнага мастацтва «Карагод сяброў» г. Клецккрасавік, 2012 г.);
• Раённае свята «Дзень абароны дзяцей»1 чэрвеня, 2012-2015 гг.);
• Міжнародны фестываль «Музыка аб'ядноўвае народы», г. КарлиноПольшча, 2012 г.);
• Міжнародны фестываль «У колі друзів», г. ЛьвоўУкраіна, 2013 г.);
• Чэмпіянат свету па хакеі «Зона гасціннасці ля Лядовага палаца», г. Мінск2014 г.);
• Рэспубліканскае свята «Дзень беларускага пісьменства», г. Заслаўеверасень, 2014 г.);
• Чэмпіянат Свету па скачках на батуце, Палац спорту г. Мінскверасень, 2014 г.);
• Навагодні канцэрт адміністрацыі Дзярж. кантролю РБ, г. Мінскснежань, 2014 г.);
• Фестываль традыцыйнай народнай культуры;
• «Архангелогородские гостины», г. АрхангельскРасійская Федэрацыя, лістапад, 2015 г.).

У ансамблі «Карагодзінкі» ўжо склаліся добрыя традыцыі. Яны пераходзяць ад дарослага калектыву да юных артыстаў. Самымі яркімі і адказнымі сталі: штогадовае правядзенне вялікага каляднага канцэрта сумесна з НФТТ «Карагод» на базе ДУ «МРЦК», шматлікія канцэрты да святочных дат на базе ДУ санаторый «Юнацтва», дзе ансамбль танца «Карагодзінкі» заўседы жаданы госць. Гэтыя канцэрты праводзяцца на платнай аснове, а на атрыманыя сродкі набываюцца сцэнічныя касцюмы для новых пастановак.

Нашы перавагі:

• Для шматдзетных сем'яў прадугледжаны скідкі на аплату: першае дзіця-100%, другое-50%, трэцяе-20%;
• Для хлопчыкаў аплата 50% ад поўнага кошту;
• Удзел у шматлiкiх фестывалях;
• Вопытныя харэографы.

Ансамбль «Карагодзінкі»: толькi танцы i добры настрой!